O lepa moja kuma, Bog ti daj zdravje i po smrti sveti raj, ako si ga navem svetu zaslužiš.

Nu, vindr da ste se jempot ženske složile, morda bu to ipak dobro za celo selo, sa so nasezadnje i se tri županje ženske, a od se tre najviše verujem našu. Pred par dani je povedala na televizije, da bu probala nekaj stvorit s našom školom. Naj bi to šlo iz njeje vust u boža vuha.

Čul sm, da si nekaj zanovetala, kaj je to črno delo? I da ispituješ, da kaj nebumo smeli već niti jen drugemu pomagat. Prav si razumela. Kod uni gore zahtevado, nebi smel ja tebe dojt ni panja razkolit, a kamol tršće obrezat. Al zato ti niš ne mari, ako buš kaj rabela, samo me zazovi, ja se nji gore niš ne bojim.

Je pa sakojakvega črnega dela: ako se opereš u lavoru i je sa voda črna, se zna, da je bilo to pravo črno delo. I opet, kada polivaš gnonjico po trave, je to dvapot črno delo. Prvič zato, ki je blatno, a drugič zato, ki je naša oblast prepovedala to delat od Martinja do Jožefova. Bog daj tem smetencem pravo pamet, kaj bumo gnojnico razlivali unda, kad je treba kosit!? 

Nekaj si brndala, da kaj so to zajeni uni beli i čljeni, ki se borido za oblast. Ja mislim, da je to tako: beli so uni, ki imado sive glave, a čljeni uni, ki imado od pijače čljene nose.

Zadnjič si me zvala, naj ti se javim, ako pojdem k svetemu Antonu. Kanil sm pojt, a glih se nam je krava pripravljala, tako da nism mogl nikamor. Po jenu strani je to i dobro, kunči mi je okrak ostal doma. A sa ga niti nebi bilo previše škoda, vidi mi se, da malo tukne, a će se vre porabit za težake.

Za sda je dost, moram pojt halat popravljat, da bum imal na proliće kaj zet u roke. A da, skoro bi pozabil. Kad buš šla u štacun, javi se pri nas. Moja veli, da so ju kokoši pronesle, sa znaš, da se jim o svetu Neže rit odveže, a dužna ti je još od Božića nekaj jajc, pa bi ti to sda vrnila.

                                                                   Kume